zikra

zikra karun?
socho kaisa lagega
behti tarang mein
pat-thar jaisa chubhega

zikra karun?
suno jaisa lagega
kisson ki kundali mein
grahan kuchh atkega

zikra karun?
kuchh aisa lagega
mut-thhi ki ret mein
kaanch nokeela chamkega

rishta

samet lo na isse
kab se bikhra pada hai

gira hi toh hai
kaun sa phinka pada hai

toota hai utha lo
nahi toh sad jayega

rishta hai sambhalo
nahi toh mar jayega.

soch

dabdabaa rehta hai dabaane se soch, 

zyada jagaaoge, to lag jaayegi kharonch.

rubaai

zindagi 24 ghante, yeh kaisi rubaai hai. 

gar seher subakti toh, shaam bhar barasti rulaai hai. 

gar dhoop chamakti toh, raat ki madmast raanaai hai.